بالفعل ده الجدر الهيروجليفي، لأصل كلمة “عزبة”:
عزبه النخل/ عزبة البرج/ عزبة الصعايدة/ عزبة الباشا/ عزبة البيه/ عزبة الحاج/ عزبة هاجر/ عزبة وابور النور/ عزبة الهجانة/ عزبة الغجر/ العزبة الحمرا/ العزبة البيضا .. لخ!
بس الحكاية مش مجرد عزبة، ده جدر خطير، متصرف منه كلام كتير، بالمعنا وعكسه!
وبالمناسبة دي نقدر نوضح قاعدة حالات شقلبة الحروف بالتقديم والتأخير والزحلقة:
*الشقلبة، يعني تبديل صوت الحرف مع صوت تاني من نفس المخرج الصوتي!
– السين مع الصاد والزين والشين
*تقديم الشقلبة، يعني تبديل صوت الحرف مع صوت تاني من اقرب مخرج لنفس المخرج الصوتي!
-السين مع الدال
*تأخير الشقلبة، يعني تبديل صوت الحرف مع صوت تاني من ابعد مخرج لنفس المخرج الصوتي!
-السين مع الته والطه
*زحلقة أو هروب الشقلبة، يعني تبديل صوت الحرف مع صوت تاني من أقرب منطقة مخرج صوتي مختلفة
القاف مع الهمزة، والعين مع الغين، والحه مع الخه .. لخ!
………
عذب، ماية نافعة للزرع
عدب، ماية مفيهاش ملح، وأكل عادب، مفيهوش ملح
واحد عازب وواحدة عازبة، مش متجوزين، مبيسقوش حاجة
البقرة والجاموسة العزبة اللي لسة مولدتش
كل دي معاني نتصور ان لها علاقة بدايرة معنا الجدر الأصلي “عزب”!
بس إيه علاقة كل ده بتصريفة عذاب ومتعذب؟
……..
كلامنا مصري. … نحو وصرف وألفاظ وأصوات وعادات لغوية
معرفش ليه سبب الهجوم الجامد اليومين دول؟
*واحدة بتقول إني مبعرفش أكتب عربي، طب وهوه أنا ادعيت إن دي كتابة عربي؟ .. دي كتابة مصري باللغة المصري، بالحرف النبطي، اللي بارضو أصله مصري!
التلات ٢٣ برمودة، ٦٢٦٤ مصري
موافق ٢ مايو، ٢٠٢٣ ميلادي
