متابعات رفيق عماد
تحدثت الفنانة هنا الزاهد بصراحة عن تجربتها مع التنمر في بداية مشوارها الفني وتأثيره على نفسيتها، كما كشفت عن صفات الرجل المثالي بالنسبة لها.
استعادت هنا ذكريات تعرضها للتنمر عند دخولها المجال الفني، حيث قالت: “أول ما بدأت أظهر تنمروا على صوتي، قالوا صوتها مش لايق على شكلها، كانوا متوقعين صوتي يكون رقيق لأني شكلي كده، لكن لقوه قوي”.
وأوضحت أنها شعرت بالصدمة عند سماع هذه التعليقات لأول مرة، مضيفة: “قعدت أعيط قولت إيه ده صوتي وحش، بس بعدين حسيت الحمد لله إني مطلعتش رقيقة وكيوت زيادة”.
تطرقت الزاهد إلى مرحلة دراستها، مشيرة إلى أنها لم تكن تفهم معنى كلمة “تنمر” في البداية، وقالت: “كان في ولد في المدرسة شاطر أوي في التنمر، كان بيبهدل الناس وأنا مكنتش فاهمة الكلمة وقتها”.
أما عن شريك حياتها المثالي، فحددت هنا الزاهد صفات واضحة قائلة: “لازم يبقى دمه خفيف علشان يفهم أنا بقول إيه، أنا ساعات أقول إفيهات أفلام وأقعد مستنية رد وما حدش يرد عليا”.
وأكدت أن خفة الظل يجب أن تكون بحدود: “يبقى لذيذ بس مش عمال على بطال، في وقت الجد يكون جاد، مش مونولوجست”.
واختتمت بقولها: “لازم يكون طيب معايا، وشرس مع كل الناس، طيب لكن مش أهبل”.
