أعلن الفنان تامر حسني عن اتخاذ إجراءات قانونية ضد حملة مجهولة تجمع تبرعات باسمه، مؤكدًا أنها ليست تابعة له لكنه على استعداد للتعاون مع جهة مختصة لجمع تبرعات سواء للمصريين أو الفلسطينيين.
وكتب تامر حسني عبر خاصية «ستوري» عبر حسابه الرسمي على «إنستجرام»: «اللي عامل البوست وحاطط الرقم ده، للأسف كذاب وحتى مستأذنيش.. والله أعلم ده رقم حقيقي ولا نصب، وأنا غير مسؤول عن أي بوست مش أنا اللي منزله، وفي أي حالة زي كده يا ريت ترجعوا لحساباتي الشخصية أول حاجة».
وأضاف تامر حسني: «أكيد هاخد إجراء قانوني ضد اللي عمل كده، يا ريته بجد كلمني لإني كنت هوافق فورًا أعمل الحملة دي، وأنا جاهز أعملها أصلًا.. يا ريت لو في حاليا أي جهة مختصة بتوزع بطاطين لكل اللي بيناموا من غير غطاء سواء في مصر أو فلسطين؛ يتواصلوا معايا في أسرع وقت شكرا».
وكان الفنان تامر حسني، قد قال إن أغنية «أول يوم» في فيلم «نور عيني» كانت من تلحين الراحل محمد رحيم مشيرًا إلى أنه لن يتخيل أن يظل يسمعها حتي اليوم.
وأضاف تامر حسني عبر «فيسبوك»: «أغنية أول يوم اللي كانت في فيلم نور عيني مكنتش أتخيل إني دلوقتي أفضل أسمعها يوميًا وأحس معانيها للشخص اللي لحنها واللي لحنها هو محمد رحيم صديق عمري ..الله يرحمك يا حبيبي ويرحم جميع أمواتنا».
