يرى نجم الأهلي السابق بأن محمد صلاح، جناح ليفربول، لاعب غير ممتع كرويًا، وهو الأمر الذي ينطبق على الجيل الحالي من لاعبي منتخب مصر.
وقال شريف حازم، لاعب الأهلي السابق، في تصريحات عبر قناة «إم بي سي مصر 1»: «في آخر 30 سنة مفيش مدرب مسك منتخب مصر والمنتخب كان ممتع غير حسن شحاتة».
وأضاف: «حسن شحاتة هو الوحيد اللي كان معاه جيل لو أي حد تاني معاه نفس الجيل كان أخد بطولات برضو».
وأكمل: «أنت أحسن لاعب عندك محمد صلاح مش ممتع، شيكابالا ولا صلاح في المتعة؟، شيكابالا طبعًا».
وتابع: «الموضة دي انتهت، حتى البرازيل انتهت منها، مبقاش الفريق ممتع ويكسب، دلوقتي مدرب المنتخبات مطلوب منه أرقام مش متعة، والراجل وصل (لنهائيات أمم أفريقيا 2025)، ومنح فرص للاعبين للعب مباريات دولية».
