متابعات رفيق عماد
نفت الفنانة فريدة سيف النصر، التصريحات المنسوبة لها بأنها قالت أن الفنان عادل أمام سيلحق بالفنان الراحل مصطفى فهمى.
وعبرت سيف النصر عن استياءها فى منشور لها عبر صفحتها الشخصية “فيس بوك” قالت فيه: “كفاية والله العظيم بجد..أنا حساسة جدا قسما بالله ماحضرت فرح بنت أخويا في الحنة حسن يوسف جه الخبر ويوم الفرح مصطفي فهمي..أنا مابعرفش أحزن وأفرح نفس الوقت..اه مرعوبة..اه بخاف من الموت وفراق الحبايب.. اه مش بتعدي الحالات دي كده ابقي خايفه عليهم من الحساب وخايفة على أولادهم اللي فاتوهم..ماعرفهمش شخصيا لكنها روح كانت ملئة الدنيا..وجسد وكيان تلاشي زي الأشباح اه باترعب وبخاف.. واه بأفكر في اللي بيهدوا مقابرهم دلوقتي “.
وأضافت: “يعني بعد كام سنة هانترمي في معظمة سيبوني في حالي ياريتني شخص مابيشوفش الحالات دي عظة كبيرة.. ياريتني شخص بيبص بس للاحتفالات والفرح وناس بتموت سواء في غزة لبنان سوريا حتي حرب بوتين حرام أطفال وحيوانات تموت.. مش بأقوللكم لو فتحت صدري هاتكلم في حاجات كتير.. أي حد فرحان بأذية حد عايزة أقول له جتك خيبة…خد منها كل اللي تعوزه وحارب غيرك.. وإملأ خزأينك أنت سائب كله يافالح وماشي.. ومتبهدل فى الدنيا وبعد الدفن.. حتي ده استكتروه على الموتي اللي هما احنا وهما وكلنا.. يامثبت العقل والدين يارب”.
