تحدثت الإعلامية مي حلمي عن فكرة رفضها طرح المشاكل الزوجية وأسباب الطلاق على منصات التواصل الاجتماعى، واستغلال تلك المواضيع لعمل «تريند»، كما يحدث في بعض حالات المشاهير.
تصريحات مي حلمى ببرنامج «بالمايك والقلم»
وقالت مي حلمي خلال لقائها ببرنامج «بالمايك والقلم»: «في ناس كتير بتعمل أفراح تريندات ودي مصيبة، وفي نوعية عايزة تتشهر وبتعمل الطلاق لمجرد «البروباجاندا»، اللي عايز يبني بيت مش بيعمل كل ده».
وأضافت: «اتعرض عليا حوارات كتير بمبلغ واصل لـ نص مليون وأطلع أتكلم ساعة عن حياتى، لكن أنا آخر همي الفلوس وبعملها، ولو عايزة أقول حاجة كنت قلتها، أنا إعلامية ومش محتاجة منصة».
وتحدثت مي حلمي خلال اللقاء عن صعوبة قرار الطلاق بالنسبة للطرفين قائلة: «قرار هدم البيت مش سهل، والست اللي داخلة تبني بيت عمرها ما تاخد القرار ده، خصوصا لو قرار الجواز بالنسبة لها مش سهل، بتفكر وتقول لكن التنفيذ صعب».
وردا على سؤال هل سبق لها أن طلبت الطلاق، قالت: «أنا متجوزتش كتير، وكلمة طلاق أنا مبقولهاش ولا اللي قدامي بيقولها لأن أنا حالة خاصة شوية، وحتى كلمة إنتي طالق اتحرمت منها».
