علق الإعلامي أحمد شوبير، على ما تردد بشأن العثور على أعمال سحر للاعب مؤمن زكريا، نجم الأهلي والزمالك السابق، في إحدى المقابر المملوكة لنجم الكرة المصرية السابق، مجدي عبدالغني.
وقال شوبير في تصريحات إذاعية: «امبارح لقيت رسالة جيالي من برا مصر، بتقولي هو اللي حصل لمؤمن زكريا ده صح؟، وأول حاجة جت في ذهني، كانت أمرا سيئا لا قدر الله، فقمت شوفت الأخبار وسمعت وبقيت مذهول».
وأضاف: «واحد قالك المقابر دي بتاعت مجدي عبدالغني، وبقا مجدي هو المذنب، طيب لو في اتنين بيتخانقوا تحت بيتي وواحد قتل التاني، أبقى أنا السبب؟، وطلع بعدها مجدي نفى الأمر وقال إنه من 40 سنة مراحش هذه المقابر».
وأتم: «أجمل حاجة حصلت إن جهات التحقيق جابت الولد امبارح، وتم استدعاؤه، وده أكتر حاجة عجبتني في الموضوع، وهيبان خلال الساعات القليلة المقبلة حقيقة الأمر».
