انتقد إبراهيم سعيد، نجم النادي الأهلي ومنتخب مصر السابق، مجلس إدارة الزمالك بسبب الأزمة المثارة حديثًا بشأن الزي الجديد للفارس الأبيض، والذي أظهر تشابه مع زي المصري البورسعيدي الموسم الماضي.
وقال إبراهيم سعيد في تصريحات تليفزيونية عبر شاشة «النهار»: «شركة الملابس الرياضية اللي تعاقد معاها نادي الزمالك، كانت متعاقدة مع النادي المصري البورسعيدي الموسم الماضي، ودي حاجة غريبة جدًا معرفش إزاي عدت على مسؤولي الفارس الأبيض أو لجنة الكرة، أو المجلس».
وأضاف نجم الأهلي السابق: «تشيرت المصري الموسم الماضي وتشيرت الزمالك هو هو، مفيش حاجة اتغيرت غير الطباعة، والنادي المصري فسخ التعاقد مع الشركة دي بسبب خامة التيشيرت».
وأكمل: «نفس التشيرتات اتبعتت لـ نادي الزمالك، حاجة غريبة جدًا، ده ينفع اتشال اللوجو واتحط لوجو الزمالك، كل شيء زي ماهو ماعدا الشعار».
وأردف: «مفروض كان يتاخد رأي كابتن الفريق مع مدير الكرة، عشان يشوفوا الخامة بتاعت التيشرت، عشان اللعيب اللي هيلبس التيشيرت فلازم يبقى مرتاح فيه».
وأتم إبراهيم سعيد تصريحاته، قائلًا: «مينفعش نادي الزمالك تعدي عليه كدة، والشركة تاخد تيشيرتات نادي المصري تديها للزمالك، الأخطاء دي ممكن تحصل مع أندية صغيرة ولكن مش من نادي كبير زي الزمالك».
