متابعات ـ رفيق عماد
كشف الفنان أحمد السقا قصة تعرّضه للضرب وهو صغير، حتى أنه تعرض لـ «علقة موت» من قرية كاملة، بحسب وصفه.
قال أحمد السقا عبر تصريحات تلفزيونية: «أكلت علقة موت مكنش لها علاقة بالجدعنة كنت راجع من الغيط في البلد بالليل وكنت راكب الجاموسة اللي بتسوق القطيع دي قدام واتخانقت ساعتها أنا وحد وأول أما اتخانقت لقيت القرية كلها جايين عليا».
وتابع: «وبيضربوني بجريد النخل لأني اتغاشمت على العيال اللي في القرية وكان عندي حوالي 16 سنة والعلقة دي مانسهاش في حياتي».
كما تحدث أحمد السقا عن المرة التي كاد يتخلص من حياته فيها، قائلًا: «حصلت مشادة وكنا ساكنين في الخامس وقُلت هنط من فوق فوالدي قرّب مني وقال نط وهعتبر إني مخلفتش غير أختك… لقيت أبويا قرّب مني وضربني بالقلم لدرجة إن عندي ودن دلوقتي سمعها تقل بسبب القلم واستغربت لأن أبويا الله يرحمه كان بيحبني جدًا».
واستكمل: «والدي قال لي أنا مضربتكش عشان زعقت لأمك، أنا عارف إنك متربّي، لكن أنا ضربتك عشان أنت قلت هنط وما نطتش.. أنا عمري في حياتي ما ضربت ولادي.. وأنا والدي مشكّل جزء كبير من وجداني».
وأوضح أحمد السقا سر حرصه على حضور الجنازات وقلة مشاركته في حضور الأفراح، قائلًا: «ربنا ما يحوجني لحد ولا يحوج حد ليا، أنا بطبعي ممكن ماجيلكش فرح، ممكن أعتذر عن عيد ميلاد، بس دا طبع فيّ لكن لو حد حبيبي في شدة مقدرش مابقاش جنبه».
وعن أمنيته التي كان يرغب في تحقيقها، قبل التفكير في دخول مجال الفن والتمثيل، قال: «كان حلمي من الطفولة لو أنا مكنتش هطلع ممثل، أطلع مصارع للثيران وكنت بربي عجول في الأسطبل وأجيب قماشة حمراء طلع العجل بيشوفني أبيض وأسود مش بيشوف الأحمر».
