متابعات ـ رفيق عماد
وجه حسين حبيب والد الفنان حسام حبيب، رسالة للفنانة شيرين عبد الوهاب تزامنًا مع أزمة جديدة مع طليقها.
وكتب والد حسام حبيب في منشور عبر حسابه الشخصي بموقع فيس بوك: «شيرين سفيرة مصر وقوتها الناعمة وثروة قومية».
وأضاف: «يجب حمايتها حتى لو من نفسها ودعمها حتى ترجع زي بدايتها القوية».
وكانت الفنانة شيرين عبد الوهاب وطليقها الفنان حسام حبيب قد أثاروا ضجة واسعة وجدلًا كبيرًا خلال الساعات الماضية، حيث توجهت الفنانة باتهامات له وحرص الأخير على الرد.
ورد حسام حبيب على اتهامات شيرين عبد الوهاب عبر تصريحات تلفزيونية، قائلًا: «طبعًا أنا خجلان من كل اللي بيحصل، ومش عارف أقول إيه عن اللي بيحصل، بس والله العظيم أنا بريء من اللي بيحصل».
وتابع: «ممكن يكون ده حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها!!، ثانيًا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها».
واستكمل حسام حبيب رده: «يا هي بتكدب لما قالت إننا اطلقنا يا هى بتكدب على البنك وقالت إني زوجها وحولتلي، شيرين عبد الوهاب دمها بقا تقيل والمرة دي بجد هحبسها».
