متابعات ـ رفيق عماد
تحدث المنتج أحمد السبكي، عن الهجوم الذي تعرض له فيلمه الجديد «الملحد» بطولة أحمد حاتم، بعد طرح البرومو الدعائي على مواقع التواصل الإجتماعي، استعدادًا لطرحه يوم 14 أغسطس القادم، في جميع سينمات مصر.
وأوضح أحمد السبكي، في مداخلة هاتفية مع الإعلامية نهال طايل، ببرنامج تفاصيل، المذاع على قناة صدى البلد 2، أن مثلما في هجوم هناك أيضًا مدح من جانب الجمهور، قائلاً: «في هجوم ومدح على الفيلم، واحنا عمرنا ما هنتفق على حاجة واحدة، أنا هسال سؤال: لو إبراهيم عيسى مش اللي كتب الفيلم، واللي كتبه حد تاني غيره كان الفيلم اتهاجم؟».
وأكد أحمد السبكي، على أن فيلم «الملحد» لا يوجد به أي شئ من الشائعات التي تتردد على الفيلم، قائلاً: «الناس اللي بتهاجم دي ناس معروفة، واحنا مش هنقول مين واحنا عارفين مين اللي بيهاجم إبراهيم عيسى، مش بيهاجموا الفيلم، الفيلم مفهوش ي حاجة من اللي هم بيقولوا عليها، والفيلم رسالة مهمة جدًا للدين».
وأضاف أحمد السبكي، قائلاً: «اتمنى من الناس اللي بتهاجم الفيلم تيجي تشوفه يوم 14 أغسطس، وبعدين يا جماعة أنتم بتهاجموا الفيلم من غير ما تشوفوه، إنما الناس بتهاجم وبس لمجرد اسم إبراهيم عيسى، أو لاسم الملحد، أو لاسم أحمد السبكي».
وكشف أحمد السبكي أن الفيلم حصل على الموافقة من الرقابة على المصنفات الفنية، مشيرًا إلى أنه ظل لمدة سنة يخضع لمراجعة الدكتور خالد عبد الجليل، متسائلاً: «هل لو الفيلم فيه حاجة غلط أو بيهاجم الدين كان اتوافق عليه رقابيًا؟، الفيلم مُصرح رقابيًا.. خالد عبد الجليل يشيل الجملة دي ويضيف الجملة دي، ارجل مشكور شال حاجات وأضاف حاجات وخلاني أصور حجات عشان يعدل السيناريو.. الفيلم فيه رسالة حلوة قوي للناس».
