متابعات ـ إيهاب السيد
انتقد الناقد الرياضي عمرو الدردير، مستوى إمام عاشور مع النادي الأهلي خلال الفترة الماضية منذ انتقاله لصفوف القلعة الحمراء.
وكتب الدردير عبر حسابه علي فيسبوك “بالمناسبة انا عمري ما شوفت امام عاشور لاعب فالتة او عالمي زي ما جمهور الاهلي مفهمنا دلوقتي والاعلام برغم كمان انه حتي الان مع الاهلي مجابش ربع مستواه و مجهوده اللي كان بيعمله مع الزمالك بس هو لاعب عادي ومزاجي.
واضاف “يمكن هو بالنسبة للاهلاوية أسطورة لأنه اللاعب الوحيد تقريبا اللي بيعرف يلعب عندهم كورة اصلا والباقي على الله حكايتهم انما انت لو سألت مثلا اي زملكاوي مين اكتر لاعب زعلان انه مشي من الزمالك ممكن ينسي امام عاشور اصلا يعني انا بالنسبالي اكتر لاعيبة زعلت علي رحيلها وبالترتيب.
١- بن شرقي
٢- طارق حامد
٣- مصطفي فتحي
٤- فرجاني ساسي
٥-مصطفي محمد
٦- ستانلي
وتابع “ممكن يجي بعدهم بقي امام بس هو حرفيا بالنسبة للعتاولة اللي انا ذكرت اساميهم دول ولا حاجة ده انا فاكر لحد انهاردة اصلا انه بدأ يشارك معانا علشان يعوض فرجاني معني كدة ان فرجاني لو كان كمل مكانش هيلمس الملعب اصلا انت متخيل”.
واختتم “لاعب عادي وواخد سيط علي الفاضي رغم انه كمان بيأدي اسوأ مواسمه من ناحية الاداء والارقام”.
