متابعات هاني فريد
حرص الفنان أحمد جمال، على الظهور من خلال مقطع فيديو بث مباشر عبر صفحته الرسمية على موقع التواصل الاجتماعي فيس بوك، من أجل طمئنة الجمهور على نفسه، وعلى الحالة الصحية للشخص الذي اصطدم بالمرآة الجانبية لسيارته أثناء عبوره الطريق من مكان غير مخصص لعبور المشاه.
وكشف أحمد جمال تفاصيل اصطدامه برجل مسن، قائلاً: «الحمد لله كل شئ بقدر، والحمد لله انا بخير.. والحاج اللي حصل معاه التصادم بخير والحمد لله، وأكتر حاجة كنت حريص عليها أن الحاج يبقى بخير».
وأوضح أحمد جمال تفاصيل الحادث قائلاً: «هحكي الموضوع عشان الناس اللي ماتعرفش، أثناء مرور أحد كبار السن وطبعًا الحارات بقت كتير وأثناء مروره كان مش واضح للجميع وهو بيعدي بسرعةفطبعً ظهر فاجأة وانا كنت على الحارة الشمال خالص بين الحواجز الفاصلة عن الطريق التاني، ويخبط في المراية الجانبية للسيارة ويحصل له عدم اتزان، ويشاء القدر إن السيارة اللي ورايا تخبطه».
ووجه أحمد جمال نصيحة للمواطنين قائلاً: «عايز أنصح كل الناس.. كل أخواتنا وحبايبنا، موضوع عبور الطريق في أماكن مخصصة لعبو المشاه، وعارف أن في ناس هتقولي اصل السلم بعيد، وبنعمل كده اختصارًا للوقت، لكن حياتنا أهم، وتستاهل مننا أننا نخاف عليها أكثر من كده، عندنا أمهات وأباء، وأطفال وأخوات ولازم نخاف عليهم».
وطمأن أحمد جمال جمهوره قائلاً: «الحمد لله أنا بطمئنكم الموضوع عدى على خير، وقوفي كان غرضه أني أطمئن أكثر، وومشيتش غير لما الإسعاف جت واطمنت عليه أنه بقى بخير واطمنت عليه وهو في المستشفى لحد ما تم عمل كل الإشاعات والتحاليل وكل حاجة طلعت بسلام، وهو خرج بعد الحادث بعد ساعات قليلة».
وأضاف أحمد جمال قائلاً: «كل اللي حابب أقوله أن ربنا يسلمنا من كل شر، والناس تركز واحنا بنعدي الطريق، وبعد أذنكم نختار الأماكن المخصصة لعبور المشاه».
