بنتكلم مصري .. قواعد وألفاظ عشان بيقولو كلامنا ملوش قواعد, رغم إن شرح القواعد دي من بدري أوي, بدأ مع كتابات “ابراهيم أنيس” لندن 1950, و”بدر نشأت” 1955, وبيومي قنديل 1986, وعبعزيز جمال الدين 1990, وعصام ستاتي 2016, وغيرهم.القواعد دي بتصرف واختصار, من كتاب بنتكلم مصري – 3 أجزاء – سامي حرك (2017)
1- مفيهاش إعراب (لا تشكيل ولا تنوين, ولا حتا تنقيط لو انكتبت بحروف غير العربي)
2- لغة تحليلية (مش تركيبية) يعني مكان الكلمة بيتغير حسب وظيفتها فـ الجملة!
3- بتميل للتبسيط (بتختصر القواعد والكلام)
4- فيها كلام من حرف واحد ومن حرفين بس.
5- فيها جملة بسيطة, وجملة متركبة!
6- بتعتمد ع الجملة الإسمية (عكس العربي اللي بيعتمد ع الجملة الفعلية)
7- المصدر إسم (بيتصرف من الإسم الفعل والفاعل والمفعول والصفة والأدوات)
8- الأدوات, مفرد او جمع بس, مفيش مجوز (البنت دي/ البنات دول)!
9- جمع واوي, (و) فـ آخر الكلمة (سلامو عليكو/ ازيكو/ اتفضلو)
10- جمع واوي, (و) تاني حرف فـ الكلمة (قواضي/ سواقي/ نواحي)
11- جمع وياوي, (وي) فـ آخر الكلمة (حكاوي/ قهاوي/ غناوي)
12- جمع هيهي, (هـ) فـ آخر الكلمة (دوريه/ جمعيه/ حراميه)
13- جمع تيتي, (ت) فـ آخر الكلمة (بنات/ ستات/ شنبات/ فتوات)
14- جمع ييني, (ين) فـ آخر الكلمة (حلوين/ كويسين/ مدرسين)
15- تذكير جمع المؤنس, وتأنيس جمع المذكر (راجل/ رجالة – شجرة/ شجر)
16- جمع مبالغة (لعيب/ لعيبة – أكيل/ أكيلة – شريب/ شريبة)
17- جمع تكرار (حتة/ حتت – قطة/ قطط – حصة/ حصص)
18- بحبحة الأسامي والتحيات (صباح الخير والفل والورد .. لخ)
19- الماضي المستمر, مع (إن) فـ أول الفعل (إنكسف/ إنكشف/ إنزاح)
20- الماضي المستمر, مع (إت) فـ بداية الفعل (إتوهم/ إتوكس/ إتكبس)
21- الحاضر المستمر, مع (ب) فـ بداية الفعل (باكل/ بشرب/ بكتب)
22- تحويل الحاضر المستمر لماضي مستمر, بإضافة (كان/ كنا/ كانو)
23- أفعال مساعدة (قام/ راح/ بقا) .. (بقا عايز تنساني – قامت رايحة السوق)
24- أفعال متركبة, أي فعل منضاف له بداية أو نهاية!
25- أفعال مضمومة, فعلين مضمومين فـ كلمة واحدة (فرتك/ بعزق/ حنتف)
26- النفي بأداتين (ما+الفعل+ش), (محصلش/ مجاش/ مكتبش)
27- النفي بالأداة (مش) فـ أول الجملة (مش رايح/ مش حابب/ مش كويس)
28- النفي بأدوات متركبة (مفيش/ بلاش), (مفيش أكل/ بلاش لعب)
29- أدوات الإضافة (بتاع/ أم/ أبو/ أمات) .. (السواق بتاع العربية)
30- أدوات مقارنة (اشمعنا/ إش/ إيش)
31- التفضيل بالهمزة (أحسن/ أشطر/ أطول)
32- التفضيل مع (واللا) .. (تشوف الماتش, واللا المسلساااال)
33- التفضيل بالتكرار والجمع (بحق وحقيق/ بصح وصحيح)
34- أدوات تخيير (يا/ أو/ واللا) .. (يا تجيني يا تقوللي أروحلك)
35- أداة الوصل (اللي), لكل الحالات (الواد اللي/ البت اللي/ الناس اللي)!
36- جملة الوصل المستمر, بإضافة ميم للموصول (اللي متكلمين عليها)
37- وصل المجموع بالميم, من غير اللي (مكملين/ مروحين/ منورين)
38- أدوات تخصيص (إلا/ غير) .. (كلهم حضرو إلا سوزي/ مفيش غيره)
39- أداة غموض وتقفيل (أي) .. (أي حاجة؟ أي خدمة؟ أي ملحوظة؟)
40- الحلفان بالواو (والمصحف/ والمسيح/ ورحمة أمي)
41- أدوات تحديد (ده/ دي/ دول/ دوله/ دولم/ دوكهمه)
42- تكرار أدوات التحديد للتأكيد (ده شغل ده؟ دول ناس دول؟)
43- سؤال الإستفهام (إززاي؟ إيه؟ إيش؟)
44- سؤال عن السبب (ليه؟)
45- سؤال عن الوقت (إمتا؟)
46- سؤال عن المكان (فين؟/ منين؟)
47- سؤال عن القيمة (كام؟ بكام؟)
48- سؤال عن إنسان (مين؟)
49- سؤال عن حاجة (نهو؟ نهون؟ نهيه؟ أنهي)
50- سؤال الصيغة, من غير أدوات (كلت؟ شربت؟ ذاكرت؟)
51- أدوات الجواب (أ/ آي/ آه/ أيوه/ إيواه/ أيون)
52- أدوات الرأي (أظن/ بقول/ أعتقد/ رأيي/ أنا شايف)
53- أداة سقة مستمرة (تملي) .. (تملي معاك)
54- أدوات احتمال (يمكن/ ينكن/ ربما/ ربتن/ انما)
55- أدوات شبه (زي/ أد)
56- أدوات مطابقة واستمرار (برضو/ برضك/ برضيك/ برضيكي)
57- أدوات كمالة (كمان/ لسة)
58- أدوات تأكيد (أومال/ تمام/ حاضر/ أكيد/ مؤكد/ اوي)
59- نون التأكيد (شوكرن/ تمامن/ فعلن)
60- أدوات تسبيب وتبرير (إكمن/ عشان/ علشان)
61- أدوات نسب (بتاع/ ابن/ بنت/ أبو/ أم/ جوز/ مرات/ عم/ خال/ جد/ ست/ حما/ حمات/ سلف/ سلفة)
62- الوصف الحر (ممكن الصفة تتبع الموصوف وممكن متتبعوش)
63- الوصف المتحدد (اللغة المصري/ مدرس الإنجليزي)
64- أدوات نده (ها/ يا/ أ/ عاد/ ياللا)
65- أدوات نجدة (جااي/ الحقوني/ غيتوني/ يا خرابي/ يا شتاتي/ يا دهوتي)
66- أدوات تباشير (حا/ ها/ عا) .. (حكتب/ هكتب/ عكتب)
67- أدوات كفاية (بس/ خلاص/ خالص/ أبدن/ كفاية)
68- أدوات تنبيه (ياك/ إوعا/ حاسب)
69- أدوات ترجية (ياريت/ بلاش/ بزيادة/ عاد/ بزيادة عادة)
70- أدوات تمني (ياريت/ لو)
71- أسلوب الأمر بالأداة “ما” .. (ماتقرالك كلمتين ينفعوك/ ماتسمع الكلام بقا)
72- أدوات دلالة (كده/ أهوه/ أهه/ كدهوه/ كدهون/ كدهوت)
73- أدوات شكر (براوة/ كويس/ شوكرن/ متشكرين)
74- أدوات زيادة (تمن/ جدن/ أوي/ خالص)
75- التعبير عن الزيادة بالتكرار (رشرش/ رطرط/ لكلك/ فتفت/ بلبل)
76- الدلع بالوزن سجوم (جمول/ عسول/ شطور/ أمور)
77- الدلع بالوزن سجومة (عدولة/ عطوفة/ سمسومة/ عبودة)
78- دلع ديني بالوزن سجومة (زنوبة/ خدوجة/ مريومة/ فطومة)
79- دلع الأسامي بمعانيها الأصلية من اللغة المصري (محمد/ حمو – موصطفا/ درش)
80- دلع بأداة الإستعجاب “يا” .. (يا حلاوتك يا جمالك)
81- صيغة المبالغة للفرد, بالوزن “سجيم” .. (أكيل/ شريب/ لعيب)
82- صيغة المبالغة للجمع, بالوزن “سجيمة” .. (أكيلة/ شريبة/ لعيبة”)
83- الشتيمة بأسامي الحيوانات (كلب/ حمار/ تيس/ خروف/ معزة .. لخ)
84- الشتيمة بأسامي الحاجات (لوح/ حيطة/ ترباس/ منشار/ زلطة .. لخ)
85- الشتيمة بأوصاف عيب (عرص/ بقف/ خول)
86- الشتيمة بأعضاء من الجسم
87- أشهر الشتايم (ابن الكلب/ بنت الكلب)
88- أدوات وجع (آه/ آي/ أيي/ أوه)
89- تريأة وسخرية بتقليد الحركات
90- تريأة وسخرية بتقليد الأصوات
91- تريأة وسخرية بالتشبيه (نفيخة/ بومبة/ عجلة/ إبرة/ قشبرة .. لخ)
92- أدوات استعجاب (ياما/ يا/ ياه/ يوه)
93- أدوات عتاب (يا اللي/ بقا/ يعني خلاص)
94- أدوات أسف (آسف/ معلهش)
95- أدوات شرط (إن/ ما/ إنما)
96- تعابير شرط (متتكلمش قبل ميتكلم أبوك/ محدش يفطر, قبل ميسمع المدفع)
97- أدوات متابعة واستمرار (طيب/ طب/ طه/ بس/ انما)
98- أدوات تصبير (استنا/ اصبر/ صون)
99- أدوات ظرف المكان (فوق/ تحت/ علا/ ورا/ قدام/ جمب/ جوه/ بره/ هنا/ هناك/ قبل/ بعد)
100- أدوات ظرف الزمان (ليل/ مسا/ صبح/ نهار/ ساعة/ يوم/ أسبوع/ شهر/ سنة)
101- الظرف الوصفي, أداة ربط مع ظرف (من فوق/ من تحت – علا هنا/ علا هناك)
102- التعريف بأدوات (أ/ إ/ أل)
103- تعريف بالسياق, من غير أدوات (فلاح كان فايت)
104- أدوات متركبة “حاكم” .. (حاكم الزهور زي الستات)
105- التضعيف بتكرار الحرف
106- ضماير حرة (أنا/ انتا/ انتي/ انتو/ احنا/ هوه/ هيه/ هوما)
107- ضماير مربوطة (ي/ك/هه/ ها/ هم/ كم/ نا)
108- البدايات/ الفواتيح (إس/إت/إن)
109- النهايات/ الخواتيم (ش/ ن/ ان/ هه/ي/ جي/ لي)
110- تصريف بالشقلبة (قلب وتبديل الحرف)
111- تصريف باللخفنة (قلب وتبديل مكان الحرف)
112- تصريف بأكل الحروف (مش-سامع/ مس-سامع)
113- تصريف بالتصغير
114- أدوات تصغير (حبة/ حتة/ شوية)
115- البداية بالرقم (أول هام/ تاني حاجة/ تالت شارع/ رابع دور/ خامس جون)
116- تحويل كل صوت لحرف (نكتب زي ما بننطأ)
