متابعات هاني فريد
كشف الفنان حماده هلال عن تقديره الشديد للفنان كريم عبدالعزيز حيث أكد أنه نجمه المفضل كما كشف عن إعجابه بمستوى مسلسل الحشاشين.
وقال في لقائه مع الإعلامية فاطمة مصطفى في برنامج الراديو بيضحك:«شاهدت مسلسل الحشاشين، ومنذ مشاهدتي للبرومو كنت بقول شوفته يا جماعة إحنا عندنا إيه؟ الصورة عاملة ازاي والمخرج عامل ازاي».
وتابع:«كريم عبدالعزيز نجمي المفضل وبعشقه ويارب نعمل مسلسلات كتيرة زي كده».
حماده هلال يكشف كواليس مشاركته في «رامز جاب من الآخر»
وكان قد كشف الفنان حمادة هلال كواليس مشاركته في برنامج «رامز جاب من الآخر» الذي يعرض في موسم رمضان الحالي.
وقال حمادة هلال ،في لقائه مع الإعلامية فاطمة مصطفى في برنامج «الراديو بيضحك»:«روحت البرنامج قبلها ب 8 ساعات، جالي تليفون لازم تيجي لنا على دبي، فيه إيه؟ قالوا لي: «هتروح لرامز جلال».
وتابع: «هما هناك بالأمانة مبيقولوش المقلب، وفيه ناس كتير مكنتش عاملة حسابها وأنا عرفت إن أحمد فهمي معايا والحلقة دي كانت آخر حلقة تتصور».
وأوضح: «لما شوفت الكلب مخفتش منه لأن كان عندنا ذئب في المداح، وفضلت واقف قدام الكلب عمومًا كانت حلقة حلوة أوي».
واستطرد: «رامز أروح له في أي مكان، أنا بروح استمتع معاه».
