استنكر الدكتور أشرف صبري، والد الفنانة ياسمين صبري حديثها مع الإعلامي عمرو أديب عبر برنامجه بيج تايم بودكاست، وتصريحها بأنها تنتمي لعائلة متوسطة وكانت تتردد على المدارس الحكومية قبل ان تنتقل لمستويات تعليمية ارقي بفضل والدتها التي غادرت للخارج وانفقت على تعليمها.
وقال الدكتور أشرف صبري في منشور له عبر صفحته الشخصية على فيسبوك:” بعد الواحد ما كبر ويشوف ولاده يحمد ربنا اتربوا كويس رغم اننا طبقة متوسطة عاشوا في بيت ابوهم وبناتي كانوا في مدرسة EGC بتاعة الطبقة المتوسطة، كنت مهتم تكون مربيتهم فلبينية عشان يتكلموا اللغة الانجليزية كويس بتاعة الطبقة المتوسطة اشتغلت طبيب واتعلمت بره عشان انجح اولادي في الطبقة دي وابني كان في مدرسة فيكتوريا.
وتابع منشوره قائلًا: “دلوقتي ابني في امريكا بيشتغل بعد ما جوزته الحمدلله، ونرمينة بنتي جوزها دكتور زيي بس اطفال من الطبقة المتوسطة والتانية فنانة قاصدًا “ياسمين صبري”، وعندي بنت فرنساوية كنت بافسحهم دايما في اليخت بتاعي الصغير بتاع الطبقة المتوسطة! ولما باتفرج على حفيدتي اما بفرح ومنتظر عم بلال يجيب ولي العهد يارب.
واستكمل منشوره قائلًا: “كلهم بيحبوا ابوهم والكسندرا حتتجنن وتيجي مصر لإنه ا مع امها في فرنسا عشان تقعد مع ابوها وهي الوحيدة البعيدة لكنها لها أم محترمة تعرف تخلي ابوها رمز حتى لو بعيد ومنتظر وصولها بفارغ الصبر.
وقال الدكتور أشرف صبري معلقًا على تصريحات نجلته ياسمين صبري: “احيانا يطلع عيل من عيالك براوي وناكر للجميل ويتكلم كإنه بيمثل فيلم كله اختراعات لكن دي سنة الحياة، المهم انهم كويسين وبخير، واحب أوضح اننا كنا سعداء في الطبقة المتوسطة لحد دلوقتي الحمدلله”.
يذكر ان هناك خلافات عائلية وقعت بين ياسمين صبري ووالدها الدكتور أشرف صبري، إثر انفصالها عن زوجها الأول والذي كان يعمل طبيبًا، وقاطعت ياسمين صبري والدها منذ انفصالها عن زوجها.
