أما تسأل اي حد عن رموز الموسيقا المصرية، مش هيطلع منه غير أم كلثوم وعبوهاب وسيد درويش، وكمان بالكتير سي عبده الحامولي!
ف حين ان اقدم رموز الموسيقا كانو من مصر القديمة:
- وزير/ أوزير/ اوزيريس
ارتبط باسمه وقصته عزف الناي والهارب اللي شبه السمسية، يعني كان بيلف البلاد يعلمهم وينورهم بالكلام والموسيقا! - حتحور/ هاتور/ باستت/ بسطة
أشهر شخاشيخ ف الوجود، بيقولو عليها صلاصل، مع ان اسم شخشيخة اقرب لجدرها الأصلي، معرفش جابو منين صلاصل دي، الظاهر انهم حسو ان كلمة شخشيخة بلدي
*بس
بتاع المزاج العالي للشباب والأطفال، بالحواديت والنكت والرقص بالصاجات
*يحي/ احي/ يحيى
قمر اربعتاشر .. طول عمره ف السن ده، آلاف السنين معدتش سن اربعتاشر، بيقسم ع الشخشيخة والناي والسمسمية
*مريت/ ميريت
اسمها متصرف من الجدر “مري” يعني الحب، تبقا الحبيبة/ المحبوبة، دي بقا منخصصة ف الهاربات، الوتريات يعني
تاني: مين بقا رموز الموسيقا المصرية ؟
لازم نتعلمها ونعلمها لاولادنا واحفادنا:
المصريين هوما رواد ورموز الموسيقا ف العالم!
