أكد النجمة فيفي عبده ، أن جميع الأزواج لديهم نزوات ويخانون الزوجات، قائلة: “الرجالة كلها بتخون واللي تقول مش بيخون وماشي على الصراط المستقيم مش صحيح، ولابد يكون الراجل عنده نزوات وبتبقى قمر وتتخان والمفروض تعمل نفسها مش عارفه”.
وأضافت فيفي عبده، خلال حوار ببرنامج ” حبر سري “، مع الاعلامية اسما ابراهيم، على قناة القاهرة والناس، أن الست لو واجهت الراجل بخيانته أكبر غلط لها في الحياة، متابعة: “الحياة دلوقتي صعبة ونسبة الطلاق عالية جدا وهي حقها تفتش وراها وحقه يخلي باله من مراته ولكن الست لازم تفهم ولو عرفت أنه بيخونها تطنش”.
وتابعت: “الراجل لو بيحب مراته يبيع أي حاجة في الدنيا عشانها لكن هي لازم تستحمل وتعدي، وكان في ناس تحاول تشككني في جوزي ولكن مكنتش بعطي فرصة لكده”.
أكدت النجمة فيفي عبده ، رفضها فكرة الزوجة الثانية وأن تكون زوجة ثانية وفي حالة معرفتها بأن زوجها متزوج غيرها لا تريد معرفة تفاصيل عن هذه الزيجة ولا مشاكلها، قائلة: “مقدرش أكون زوجة تانية ولو هو متجوز أنا مشوفهاش ولا اعرفها ولا عايز اعرف حاجة”.
وأضافت فيفي عبده أنها حال معرفتها بأن زوجها متزوج قبلها تطالبه بعدم نقل أي تفاصيل مشاكل لها، متابعة: “أنا مش بدور على الراجل ولكن هو اللي بيدور عليا ومتسمعنيش أي مشكلة لحد ولا عايز اعرف غير انك رجلي وجوزي”.
وأكدت فيفي عبده، اعترافها بـ الزواج العرفي واعتبارها لهذه الفترة فترة خطوبة، قائلة: “اعترف بالجواز العرفي لأني مخليش الراجل يلمسني إلا لما يتجوزني واعتبرها فترة خطوبة وبعدين اكتب كتاب رسمي، وكل اللي اتجوزتهم محترمين وحظي كان كويس”.
كما أكدت عدم موافقتها حالة رغبة حفيدتها في العمل بمجال الرقص، قائلة: “لو حفيدتي طلبت ترقص أرفض وأيامي كان الرقص حاجة تانية وكان في احترام وكل الناس اللي قعدة تشاهد العروض مهمين ومش أي كلام وكان ناس ثقيلة ومحترمة”.
وأوضحت أن الجميع يفتي الان في مجال الرقص وحفيدتها وصلت لمرحلة علمية مميزة وتدرس سياسة واقتصاد، مضيفة: “مش ممكن اسمح لها بده وهي اتعلمت وأنا اتبهدلت في الشغل عشان اوصل لمكانتي حاليا”.
واستكملت: “الرقص الشرقي كان زمان له جمهور وقيمة عن دلوقتي وعشان كده متقليش ولا راقصة مصرية الان، وانا برقص في البيت، و مصر كانت مليانة راقصات ودلوقتي وكفاية المهاجمة للرقص طوال الوقت والكتاب يطلعوا أي واحدة عايزة تنحرف تبقى رقاصة ودي نقطة ضعف”.
