يوسف شعبان لم يعجبه تمثيل عمر الشريف

في احدي اللقاءت التليفزيونية للفنان حسن يوسف المذيعة سألته : هل كنت تتوقع ان عمر الشريف بعد الفيلم ده انه هيمثل في السينما العالمية ويبقي النجم العالمي عمر الشريف.
رد عليها وقالها خليني احكيلك علي حكاية حصلت مع الفنان يوسف شعبان.
“يوسف كان مشترك معانا في الفيلم وكان عامل واحد من الطلبة الثورجية _ ثاني افلام يوسف شعبان في مسيرته الفنية _ المهم ان يوسف شعبان مكنش عجبه اداء عمر الشريف في اداء إبراهيم حمدي الشاب الثوري وكان يري أنه ينقصه الحماس في اداء الدور زي أنه يقول خطب بصوت عالي انما الهدوء اللي بيؤدي بيه الدور مش عجبه..
وكان كلامه منطقي بالنسبة ليا فسألت عمر الشريف قولتله انت مش ملاحظ ان اداءك في هدوء علي شاب ثوري ولا في حماس ولاصوت عالي ولا خطب.
رد عليا عمر وقالي : اسمع يا حسن أولا دلوقتي انا بأدي في الفيلم دور واحد عضو في خلية سرية مهمتها اغتيال مسئول كبير صح؟
رديت وقولت : اه صح
قالي : يعني لو انا في الاجتماعات السرية اللي بنعملها في الشقة مستخبيين من البوليس وزعقت بصوت عالي وقولت خطبة بحماس مش ممكن اي مخبر معدي ويسمع الصوت يقبض علينا او الجيران تبلغ عنا.
ثانيا انا باقي احداث الفيلم بأدي دور واحد هربان من البوليس ومستخبي حتي النفس معدود عليه يبقي ازاي اتكلم واتعامل بحماس.”
_ رديت عليه المذيعة وقالتله للدرجة ديه كان بيهتم بالتفاصيل .
= ما انا ساعتها قولت لعمر الفكر والكلام اللي بتقوله ده كلام فنان عالمي وقد كان.
** الفنان يوسف شعبان فيما بعد أدى دور ضابط المخابرات المصرية في مسلسل رأفت الهجان بهدوء ورصانة وعلي اكمل ما يكون مما يدل انه في تلك الفترة كانت تنقصه الخبرات فقط.