زمان كنت فاكرة ان كل المناسبات والطقوس اللي ف الكنيسة صوم يونان مثلا /نهضة /أسبوع الآلاااام /ابو غالمسيس/ميرون/اكليل……
دي طقوس خاصة بكنيسة ماريوحنا بس
ولما بروح اي كنيسة تاني بستغرب ازاي بتصلوا نفس صلواتنا وألحاننا.
بس ف الحقيقة أنا ما زال جوايا الطفل الساذج دة اللي شايف ان كل المناسبات والطقوس والألحان السنوية المرتبطة بمواسم او مناسبات متحلاش إلا ف كنيستي الأم برغم ان الكنيسة هنا فيها كهنة فوق الروعة بشويتين.
يمكن علشان معندهمش عم مينا العشاي ولا الأستاذ فوزي يوسف والأستاذ هاني يونان والأستاذ يوسف هرمينا والأستاذ سامح عبدو والأستاذ مرقس عايد، والأستاذ اشرف عدلي، والأستاذ محسن كرمي والشمامسة المميزين بتوعنا.
ولا علشان حيطان كنيستنا القديمة كانت بتخلي الأصوات تدخل القلب وتتربع
ولا يمكن علشان الخادمات ولا أطفال مدارس الأحد وهما جايين م المدارس يحضروا قداس نينوى بلبس المدرسة ويحسسوك اد ايه هما متلهفين انهم يتناولوا بعد صيام طويل.
في حاجة كانت ف كنيستي زمان ومش لقياها رغم حلاوة الكهنة والصلوات هنا جدا جدا كمان
