أعربت الفنانة آمال ماهر عن سعادتها الكبيرة بتعاونها مع رئيس هيئة الترفيه السعودية، في أعمالهما الغنائية السابقة، والتي حققت نجاحا كبيرًا على الصعيد المصري والعربي، مؤكدة أنها ستعيد هذا التعاون مرة أخرى من أجل تحقيق نجاح أكبر”.
وأشادت الفنانة آمال ماهر، خلال استضافتها ببرنامج الإعلامي عمرو أديب، المذاع عبر شاشة قناة MBC مصر، بموسم الرياض والتطورات الفنية بالسعودية، معلقة: أنا كمصرية عربية فخورة باللي حصل ده في المملكة، بيهتموا بأدق التفاصيل، حاجة كدة شبه هوليود، وبشوف كل الحفلات، وعاجبني جدا تركيبات الفنانين في الحفلات، وإن شاء الله قريب ممكن يكون ليا حفلات في موسم الرياض”.
ملخص تصريحات آمال ماهر في «الحكاية» مع عمرو أديب
-«وصل الأمر، إني كنت بقول للناس والله ما في حاجة، قعدت شوية مخضوضة مش حاجة سهلة، أول ما حد كان يقولي أقوله والله ما في حاجة».
- «أقول متخطفتش، كانوا بيكلموا ابني يسألوا، يقولوا له مامتك كويسة؟، يقولهم آه، يقولوا مش مصدقينك، قرايبي كانوا بيقولوا لي ابعتي لنا صوتك».
- «أنا قلت لنفسي إيه ده، ليه الموضوع وصل للدرجة دي، فهو خد حجم أكبر من حجمه».
- «اضطريت أقول للناس إني بخير لأن الموضوع كبر بزيادة، طلعت قبل أو بعد كانت الدنيا طارت».
- «ماما كانت متضايقة مش من الشائعات من فكرة إني بتعذب».
- «أحب أقول لجمهوري أنا بخير وقليلة الظهور، ولكن هبقى معاكم، وأنا بخير ومفيش حاجة اتطمنوا».
- «جمعتني بتركي آل الشيخ علاقة فنية جيدة جدًا، ولي أغاني ناجحة جدًا معه، وأتمنى تكرار التعاون معه».
