كشفت الدكتورة ليندا، أرملة الفنان الكبير چورچ سيدهم، عن ملامح من حياة زوجها في ذكرى ميلاده، وعبرت عنها بأبيات شعرية أهداها له أحد أصدقائه المُقربين.
قالت “ليندا” في مداخلة هاتفية مع برنامج “التاسعة” المُذاع على شاشة القناة الأولى المصرية: “چورچ كان عاشق للوطن، ولما كان بيسافر وبيرجع مصر، كان بيقول للمُضيفة هاتيلي أشرب من مياه النيل بسرعة، مياه النيل وحشتني أوي،
واضافت لندا . ولما يقعد مع شخص غريب لأول مرة كان الشخص ده يشعُر أن چورچ اخوه، صديقه، وحبيبه، فكان بيكسر أي حواجز، حتى في مرضه وفي أعياد ميلاده اللي عملناها وهو تعبان، كان بيكون فرحان جدًا بالحاضرين وبيعبر عن فرحته بيهم بمشاغبات وحركات بتاعته”.
أكملت، “چورچ” لديه كاريزما كبيرة، ومهما تحدثنا عنه وعن التزامه وصدقه وإخلاصه وكرمه وإنسانيته، فلن يكفي، وكلامي هذا ليس من أجل چورچ فقط لكنها حقائق عاشها، فهو ما زال حيًا في وجدان جمهوره، ولم يُذكر اسمه إلا بالخير، ولا توجد شائبة على اسم “چورچ” بكل تاريخه.
تابعت: “چورچ جواه طفل صادق، اوعى تفتكر أن چورچ بيمثل، لأ هو كده مهما حطيته في أي مكان، ولما سافرنا لندن أثناء فترة علاجه، كانوا بيقولوه ضحكتك دي عمرنا ما شوفناها في أي مريض قبل كده”.
